Offcanvas Info

Assign modules on offcanvas module position to make them visible in the sidebar.

La dictature de l'ignorance

Ajouter aux favoris
Ajouté 06-01-2020 17:47:57
Publié par

Description

(الجهلاتوري) :

إنتخابات في الظروف التي نعرفها، اليمين الدستوري. يومين ممبعد موت بلحمر، لغدوة موت القايد صالح. -- الله يرحمهم و يغفرلهم --

الواجب الديني لي صرات عليه ضجة كبيرة (تترحم/ما تترحمش عليه) راني درته. و لكن الدين الذي لا يسمح لي كمواطن باش تكون عندي قراءة متعددة الأبعاد أنا لول لي يكفر على هاد الدين. أنا تبانلي بلي أول بنادم معني ب les messages divins لي راهم بين أسطر موت شخصيتان و طنيتان في يومين لي عندها وزن كبير (القايد على السياسة و بلحمر على .المجتمع) هو رئيس الجمهورية تبون لول مات مقتول يعني خصك تحارب الحاجة لي يرمز ليها، و زاوج "مات موت ربي" و يعني خصك تغير بحكمة الحاجة لي كان يرمز ليها... حتى La chronologie جات تناسب تخمامي. فيما يخص الراقي الله يرحمه بلحمر كان أول رموز و منارة تاع الجهل، الرمزية لي حاضرة في الفرد، الأسرة، العائلة، المدرسة من ادنى الى أعلى درجاتها، المؤسسات من الإدارية حتى الصحية ( فرملية قاتلي ليا و ماشي وخداخر دي مرتك رقيلها، مرتي لي كانت بالحمل و تبكي بالأوجاع )، الإعلام الذي يروج له و لأمثاله (سحور و سحور مضاد، تحبس دخان عند واحد يدفلك في فمك و يقرا عليك زوج أيات، حصص لي تهدر حصريا على هاد صوالح)، ياو حتى الرياضة نفكركم بلي المرحوم كان الراقي الرسمي للفريق الوطني.......

بلماضي مع كل إلتزامه الديني جابنا كأس إفريقيا بالعلم و الجدية و الإختيارات المدروسة. على تبون يفهم بلي ربي خلصه من راس الجهل (بحكمة) و أن عليه بالباقي يجب أن يستوعب أن الشعب ما خصهش راقي باش يرتاح نفسيا و إنما خاصه الكفاءة عند التقنيين و النزاهة و روح المسؤولية عند المسيرين الشعب يليقله (الفلاح، طبيب، , مهندس،بائع في متجر، إداري، معلم، سائق الحافلة ، شرطي، بائع في حانوت، رجل الأعمال.......) هادو قاع يكونو فاهمين بلي القانون فوق الجميع و القانون يمنع منعا باتا عدم توفر الكفاءة و النزاهة و يفرض منطق الرجل المناسب في المكان المناسب. محمد بوضياف الله يرحمه "فاتونا بالعلم". الشعب خاصه الشطرين الأولين من La Pyramide de Maslow باش يرتاح نفسيا (ضمان العيش، ماكلة و لكن ما تكونش تنقاملك 95% من مداخيلك، دواء بصح ما خصهش يجيبه بالمعرفة، منزل حتى و لو كرية و لكن ما تدفعكش تحرم ولدك و مرتك مل 95% المخصصة للماكلة، راحة يعني ما خصكش تخدم 8 سوايع و موراها خصك تروح تنافيقي ، و الثقة فيما بينهم كأفرادو في الحكام و رجال القانون).

هاد صوالح يجو بحاجة وحدة و هي الإستثمار(فكريا و إداريا و ماليا) في العلم (القانون داخل في العلم) ... لأن العلم و الإختراع هو السلاح الوحيد لمكافحة الفساد و البطالة، ظاهرتين لي حطمو لبلاد. كي الشعب يشبع و يكمل مع "les besoin primaires "AVOIR و يشوف بلي القانون يضمنله يحميه و بلي سياسة الحكومة هي تشجيع المبدعين la creation de la richesse، تكون هناك نقلة نوعية إجتماعيا و ثقافيا و فكريا في الميدان و في la pyramide de maslow.

فيما يخص قائد الأركان الله يرحمه القايد صالح بغينا "حراكيين" ولا كرهنا"أتباع السلطة و أبواقها" كان رمز من رموز "مجريات الدولة الجزائرية" منذ حوالي 30 سنة، لا أتكلم عن الشخص و إنما عن مساره كرجل دولة (سير مرحلة الحراك "رسميا"، كان قائد أركان في عهد بوتفليقة، و كان قائد القوات البرية في العشرية السوداء)، يعني مراحل كلهم الجزائر لا تحسد عليهم. على تبون يفهم بلي خاصه قطيعة تطرفية ليس مع الأشخاص و إنما مع سياسية البلاد و العباد (الديكتاتورية عسكرية كانت أو مدنية، المعرفة، إستراد شا ناكلو، البيروقراطية، سبات الرقابة و الشفافية.......) و يروح لكل شيئ معاكس تماما مع شا جبدت يعني (فصل بين السلطات، الكفاءة، إنتاج شا ناكلو، رقمنة الوثائق، et ne pas donner tout le pouvoir a un guichetier، الرقابة المستمرة بالعدل و القانون....) باش ندخلو في "Les besoin secondaires "ÊTRE ، يليق سياسة تحمي الكفاءة و تشجيع الإبداع، يولي المواطن الجزائري يبغي الناس تبغيه و يديروله قيمة ب son ETRE خاطش في هد المرحلة قاع يكون عندهم AVOIR (مانيش نقول قاع millionaire)، يولي الشعب ما يقولش عندي clio 2019 باش يبان في وسط مجموعة و لكن يقول هاد شهر عطاوني "l'employé du mois" بالنسبة للموظف و يقول القسم تاعي قاع داو le bac بالنسبة للأستاذ و يقول أنا إخترعت حاجة تباع حتى خارج البلاد بالنسبة للمبدعين و يقول أنا لي مولت هاداك المخترع بالنسبة لرجل الأعمال و يقول أنا service تاعي يتمشا على الشعرة بشهادة الناس بالنسبة للمسؤول و يقول أنا ديت 20 في الرياضيات بالنسبة للتلميذ و يقول أنا jamais dert حادث مرور بالنسبة لسائق الحافلة و taxieur رايحة هاكا حتى نوصلو لي يقول أنا ديت جائزة نوبل خاطش سياسة السابقون قالو ما نستحقوش هاد الجائزة. حتى عقلية لبنادم تتبدل و المعلم ما يوليش graveur CD يعمر مخ التلاميذ و لكن يولي يصنعلك مخ عنده esprit critique و يبحث، المدير ما يوليش المدير لي نكرهوه قاع يولي manager لي يعرف كيفاش يدي من عند لي تحته في السلم الهرمي أقصى مجهوداته بلا ما يهينه، الطبيب ما يوليش الطبيب لكلاسيكي لي كاره حياته خاطش قرا 20 عام و ماشي لاحق و لي قرا معاه و حبس فالنتوسطة ولا courtier milliardaire يولي طبيب مبتسم قاع العام و يزيد من عنده جسديا و فكريا، حتى les centres d'intérêt البعيدة على الخدمة يتبدلو، الفرد يولي يبغي يقرا كتوبة، يسافر داخل البلاد، يروح يتفرج مسرحية، الضوق الموسيقى يتطور، يعاون في تنظيف الحي تاعه.......

هادو قاع yremplassou لوقاف فلقنوتة و المدامات و النميمة و les voitures. كي الرئيس يوصل شعبه لهاد الدرجة من الوعي فكريا و l'autosuffisance جسديا، الشعب بنتقل من درجة "أنا MOI" الى درجة "نحن NOUS"، تولي كاينة الثقة المتبادلة بين الجميع و التوسويس يروح و نولو نخدمو EN GROUPE في المنزل و الإدارة و المدرسة و المستشفى و الشركة الصناعية و حتى على رأس السلطات و تولي عندنا ثقافة الجمعوية "mouvement associatif يولي كل فرد يبغي يحس روحه UTILE (في بيته،في حيه،في مكان عمله، وسط المجتمع ....) ...... utile بشا يقد ولا بشا يبغي (الهواية) ... تما ندخلو في كيما قال السيكتور (نكملو مع بنادم) ... نولو ما نبغوش على الحيونات، ما نبغوش على البيئة، ما نبغوش على البلاد و ممتلكات الدولة، ما نبغوش على الثقافة ............ نولو ما نبغوش على التاربخ و الشعب يفيق بلي لي راه حي راه يكتب في تاريخ الأجيال القادمة و يفهم بلي خاصه يكتبه غاية و بلي خاصه يكتب أسطر تصنف مع الإنجازات التي دفعت بالبلاد إلى الأمام الى التطور الى الإزدهار، يولو الناس الناجحين يكتبو des memoires et des autobiographies، يديروا des séminaires فالجامعات باش يزرعو الإيجابية و يدفعو الناس إلى العمل و الإجتهاد و l'endurance. هنا نوصلو إلى أعلى درجة تاع la pyramide و لي هو l'accomplissement عند الفرد عند المجتمع و عندالدولة، نولو نبغو الأجناس يستعرفو بالهوية تاعنا و نولو نبغو بلي كي تنطق كلمة " الجزائر L'ALGERIE" في ربوع العالم، إذا سمعها acteur économique يبغي يستثمر عندنا،و إذا كان تاجر يستورد من عندنا، وإذا كان عدو يضربنا ألف حساب، و إذا كان بطال يحلم يجي يخدم عندنا....... نولو نبغو الناس تسمع و تحلم بالإنجازات تاعنا، مبتغى لي تنتج منه السياحة و نبداو بشوية من و نديرو سياحة ثقاقية، سياحة culinaire ، سياحة تاع الصحرا تاع الثلج تاع لبحر تاع لجبال .... سياحة de masse.

هاكا حتى نوصلو نديرو coupe du monde بصح ماشي فالخيال في خطاب شعبوي نديروها تاع بصح و فالميدان و ماشي زوج puisque ما تكونش الشعبوية و هادي ما كايناش فقوانين الفيفا بصح نقدو نديرو coupe du monde و ألعاب الأولمبية. نولو UN DES ACTEURS PRINCIPALES DU MONDE GEO PILITIQUEMENT, HISTORIQUEMENT ET ÉCONOMIQUEMENT. نولو L'ALGERIE RÊVÉ PAR NOS MARTYRS . نولو L'ALGERIE PROCLAMÉE PAR بيان أول نوفمبر. كنا من جهة الحراك ولا من جهة خيارات السلطة، رياضيا تبون إنتخبوا عليه 4.9 مليون من جزاير فيها واحد 28 مليون تقد تفوطي يعني ما عندكش الشرعية الشعبية التامة، الشرعية تقد تديها بالأفعال و بثورة فكرية.

Détails de l'Article

ID de l'Auteur: 21
Affiché: 44959
Expire: 13-01-2022 01:00:00

Commentaires

Custom Banner